Островок православия - Молитва во время губительного поветрия и смертоносной заразы

 

 

 

ОСТРОВОК ПРАВОСЛАВИЯ

Не бойся - только веруй!

Воскресенье, 29 марта 2020 12:48

Молитва во время губительного поветрия и смертоносной заразы

Автор
Оцените материал
(0 голосов)

«Боже Великий и Вышний, Благоутробный и Человеколюбивый Владыко, услыши нас недостойных рабов Твоих, во множестве милости Твоея и низпосли нам помощь Твою во время нашествия болезни губительныя на род человеческий, Твоею Кровию искупленный.

Вемы Господи, яко согрешихом пред Лицем Твоим и грехом нашим несть числа . Но умилосердися и отврати от нас гнев Твой праведный на ны движимый. Не прогневайся на ны зело, Ты бо рекл еси, яко радость бывает на небеси о едином грешнице кающемся. Приими ныне и наше покаяние, слезы и смиренныя молитвы возносимыя из глубины сердец наших пред святым олтарем Твоим.

Отче щедрот, Боже всякого утешения, укрепи ны молитвами Преблагословенныя Владычицы нашея Богородицы, силою Честнаго и Животворящего Креста, святых врачей, целителей и чудотворцев Косимы и Домиана, Кира и Иоанна, Пантелеимона и Ермолая, Сампсона и Диомида, Фотия и Аникиты, Трифона и Фалаллея, Печерских святых Агапита, Дамиана и Ипатия, Святителя Луки, исповедника Крыского, новомученников врачей Евгения и Серафима и всех святых.

Призри с небесе, Боже, прекрати болезненное поветрие и отжени от нас всякую болезнь и немощь, да избавльшеся от всякия напасти Рукою Твоею крепкою, поработаем Ти со всяким благодарением. Да яко и ныне причащающеся Твоего неизглаголанного Человеколюбия, поем и славим Тя, Творящего великая и чудная,славная же и изрядная.

Яко Ты еси Источник исцелений, Боже наш, и Тебе славу возсылаем, Отцу и Сыну, и Святому Духу, ныне и присно, и во веки веков. Аминь».

Прочитано 62 раз
Другие материалы в этой категории: « Молитвы при горячке и лихорадке
© 2018-2020 Островок православия